Helgeslutt

Helga går mot slutten og det er ei stund sidan sist blogginnlegg. Her kjem difor ein liten rapport over helgas aktivitetar.

Nikolai hadde fotballkamp i dag. Etter fyrste omgang såg det lyst ut. Kattem leda 2-0 over Trond. I andre omgang gjekk Kattem opp til 3-0. Så rakna det litt og Kattem tapte til slutt 3-5. Det hjelpte heller ikkje stort at Nikolai gjekk i mål siste del av kampen.

Frøydis har hatt arbeidshelg og ser fram til at det berre er ei vakt igjen før ho skal ha fri i to veker.

Brita har vore på audition til X-faktor i Olavshallen i dag. Ho var publikum og hadde full dag der saman med onkel Elling og tante Sigrun.

Johanne har hatt nok ei helg med VG-salg. Salget gjekk litt tregt både i går og i dag, men litt pengar vart det likevel på henne.

Far sjølv har hatt frihelg for fyrste gong etter påske og har gjort minst mogleg.

I ettermiddag var me vaksne i konfirmasjonsselskap og der fekk me litt inspirasjon til Brita sitt selskap på laurdag. Det gledar me oss til!